Dezasete estudantes procedentes de toda a xeografía galega comezaron esta fin de semana un novo curso da Aula Galega de Saxofón: o undécimo dende que o Conservatorio de Música Profesional de Riveira deu cabida a esta iniciativa coa fin de servir de servir como punto de encontró e perfeccionamento na aprendizaxe deste instrumento musical.
Un ano máis, o profesor vigués Rodrigo Vila, profesor titular de saxofón no Conservatorio Superior de Música das Illas Baleares, é o encargado de impartir as clases. O mestre Vila acaba de chegar de Cuba e a semana que vén estará en China para a continuación viaxar á India, Colombia, Brasil e outros países.
Os alumnos proceden dos conservatorios de Riveira, Santiago, Ourense, Vigo e A Estrada e das escolas de música de Ribadumia, Vila de Cruces, Santiago e Santa Cruz de Rivadulla.
Entre as clases maxistrais previstas para este curso 2018/2019 cómpre destacar a que impartirá a principios do ano que vén a xaponesa Hilomi Sakaguchi, afincada en Burdeos (Francia) e considerada a mellor pianista especializada en repertorio de saxofón tal e como se desprende da web especializada Saxrules.com:
https://saxrules.com/2018/10/14/los-5-mejores-pianistas-especializados-en-repertorio-de-saxofon/
